Эстонія не будзе прызначаць амбасадара ў Беларусі

Эстонія не стане прызначаць амбасадара ў Беларусі, паколькі гэта стала б «маўклівым прызнаннем прэзідэнцтва Аляксандра Лукашэнкі». Эстонія не лічыць Аляксандра Лукашэнку законным кіраўніком дзяржавы, а гэта азначае, што пасол, які ўручыць яму свае даверчыя граматы, стане разваротам у гэтай пазіцыі.

Альтэрнатывай дыппрадстаўніцтву можа стаць прызначэнне часовага паверанага ў справах, або захаванне пасла, які будзе працаваць з Таліна і, такім чынам, не будзе ўручаць даверчыя граматы, або працяг працы амбасады з меншай колькасцю работнікаў без новых прызначэнняў.